Divisional Secretariat - Nuwara Gampalatha Central

අනුරාධපුර රොටරි සමාජය විසින් ක්‍රියාත්මක කරනු ලබන “සහන යාත්‍රා” වැඩසටහනේ ඊළඟ අදියර ලෙස, මධ්‍යම නුවරගම් පලාත ප්‍රාදේශීය ලේකම් කොට්ඨාසයේ දිට්වා සුලි කුණාටුවෙන් පීඩාවට පත් වූ පවුල්වල වාසය කරන ගැබිණි මව්වරුන් සඳහා මෙට්ට සහ සනීපාරක්ෂක ද්‍රව්‍ය බෙදාහැරීමේ දෙවන අදියර, ජනවාරි 19 දින ප්‍රාදේශීය ලේකම් කාර් යාල පරිශ්‍රයේදී පැවැත්විණි.

ප්‍රාදේශීය ලේකම් තුමාගේ හා සහකාර ප්‍රාදේශීය ලේකම් තුමාගේ සම්බන්ධීකරණයෙන් පැවති මෙම වැඩසටහන සාර්ථක කරගැනීම සඳහා මෙට්ට හා සනීපාරක්ෂක ද්‍රව්‍ය ලබාදීමෙන් දායකත්වය දැක්වූ රොටරි සමාජයේ නිලධාරීන් මෙන්ම අප ආයතනය සමග නිරන්තරව සම්බන්ධ වී වැඩකටයුතු කරන අනුරාධපුර රොටරි සමාජයේ ගරු සභාපති සඳරුවන් සමරතුංග මහතාටත් අපගේ විශේෂ සතුතිය පිරිනමන්නෙමු.

2026 නව වසර උදාවත් සමග මධ්‍යම නුවරගම් පලාත ප්රාදේශීය ලේකම් කාර්යාලය රාජකාරි ආරම්භය ආගමික වතාවත් මැද උත්සවාකාරයෙන් සමරයි.

මධ්‍යම නුවරගම් පලාත ප්‍රාදේශීය ලේකම් කාර්යාලයත්, ශාසනාරක්ෂක මණ්ඩලයත් එක්ව සංවිධානය කරනු ලැබු දහම් පාසල් පලදායි ධාරිතා සංවර්ධන අභිමාණී ගුරු පුහුණු වැඩසටහන 2025/12/21 වන ඉරු දින මධ්‍යම නුවරගම් පලාත ප්‍රාදේශීය ලේකම් කාර්යාලයීය ශ්‍රවණාගාරයේ දි පැවැත්වින.
මෙ සදහා මධ්‍යම නුවරගම් පලාත ශාසනාරක්ෂක මණ්ඩලයේ ගෞරවණීය සභාපති අතිපූජ්‍ය හල්මිල්ලැවේ සද්ධාතිස්ස නායක හාමුදුරුවන් සහ ගෞරවණීය ලේඛකාධිකාරී අතිපූජ්‍ය ගෝනගල ඤාණාලෝක හාමුදුරුවන් ඇතුලු මහා සංඝරත්නය වැඩම කරන ලදි.මෙම ගුරු පුහුණු සදහා සම්පත් දායකත්වය සපයනු ලැබුවේ තඹුත්තේගම ප්‍රාදේශීය ලේකම් සුමිත් කේ සෝමරත්න මහතා විසිනි.
මෙම කටයුතු සදහා මග පෙන්විම් සිදු කල මධ්‍යම නුවරගම් පලාත ප්‍රාදේශීය ලේකම් සුදර්ශන දිසානායක මහතා සහ සහකාර ප්‍රාදේශීය ලේකම් නිමේෂ් මධුශංඛ මහතා ඇතුලු බෞද්ධ කටයුතු නිලධාරීන් ද සහයෝගය ලබා දෙමින් වැඩසටහන පවත්වන ලදි.නිවේදන කටයුතු සිදු කිරිම මධ්‍යම නුවරගම් පලාත ප්‍රාදේශීය ලේකම් කාර්යාලයේ පරිසර නිලධාරි වසන්ත මහතා විසින් සිදු කරනු ලැබිණි.